بەبۆنەی کۆچی دوایی ئایەتوڵڵا هاشمی رەفسەنجانی:
فوئاد مەعسووم پرسەنامەیەک ئاراستەی رۆحانی دەکات
بەشی عێراق و هەرێمی کوردستان- سەرۆککۆماری عێراق پرسەنامەیەک ئاراستەی سەرۆککۆماری ئێران و خانەوادەی ئایەتوڵڵا رەفسەنجانی دەکات و رایدەگەیێنێت: پرسە و ماتەمینیی قووڵ بۆ ئێوە و گەلی ئێرانی دۆست و خانەوادە و کەسوکاری کۆچکردوو دەردەبڕین.
بەپێی هەواڵی کوردپرێس بەگێڕانەوە لە تەلەڤزیۆنی رووداو، رۆژی یەکشەممە 8ی جانیڤێریی 2017، فوئاد مەعسووم، سەرۆککۆماری عێراق پرسەنامەیەکی هاوخەمیی ئاراستەی حەسەن روحانی و گەلی کۆماری ئیسلامیی ئێران کرد، بەبۆنەی کۆچی دوایی ئایەتوڵڵا هاشمی رەفسەنجانی، سەرۆکی ئەنجومەنی دیاریکردنی بەرژەوەندییەکانی کۆماری ئیسلامیی ئێران.
لەو پرسەنامەیەدا هاتووە: "بەداخ و پەژارەی زۆرەوە هەواڵی کۆچی دوایی سەرۆکی ئەنجوومەنی دیاریکردنی بەرژەوەندییەکانی کۆماری ئیسلامی و سەرۆک‌کۆماری پێشووتر ئایەتوڵڵا هاشمی رەفسەنجانی-مان پێگەیشت، کە وڵاتەکەمان وەک دۆستێک دەیناسێت، لە ساتە زۆر دژوارەکاندا هاوسۆزیی بووە، لەکاتێکدا بۆ ئەم کۆستە قورسە گەرمترین ماتەمینییتان پێشکەش دەکەین".
رۆژی یەکشەممە 8-1-2017 ئایەتوڵڵا هاشمی رەفسەنجانی بەهۆی نەخۆشی دڵەوە، رەوانەی نەخۆشخانەی تەجریشی تاران کرا و لەژێر چاودێریی وردی پزیشکیدا کۆچی دوایی کرد.
 
 

کۆدی بابه‌ت: 67316  |  به‌روار: ۱۳۹۵/۱۰/۲۰  |  کاتژمێر: 1 : 32

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات