گۆڤاری تایمز:
هێرشه‌کانی په‌که‌که‌ و داعش تورکیا به‌ره‌و ڕووخان ده‌بات
به‌شی جیهان- هێرشه‌کانی په‌که‌که‌ و داعش له‌ تورکیا له‌بری ئه‌وه‌ی که‌ خه‌ڵک له‌ دژی هێرشه‌ توندئاژۆکان یه‌کده‌نگ بکاته‌وه‌، زیاتربوونه‌وه‌ی ناکۆکییه‌کانی نێوان سێکوولار و موحافیزه‌کارانی ئایینی و هه‌روه‌ها کورده‌کان و ناسیۆنالیسته‌ تورکه‌کان و ڕووخان و له‌ناوچوونی تورکیای به‌دواوه‌ ده‌بێت.
به‌پێی هه‌واڵی کوردپرێس، گۆڤاری تایمز له‌ ڕاپۆرتێکدا وێڕای ئاماژه‌ به‌ ته‌شه‌نه‌سه‌ندنی هێرشی تیرۆریستی له‌ تورکیادا نووسی: به‌شێک له‌م هێرشانه‌ له‌لایه‌ن په‌که‌که‌ و یان گرووپێکی سه‌ر به‌وان و به‌شێکی دیکه‌ له‌لایه‌ن ئه‌ندامانی سه‌ر به‌ داعشه‌وه‌ ئه‌نجام ده‌درێت و مومکینه‌ ڕووخانی تورکیای به‌دواوه‌ بێت.
له‌ به‌شێک له‌م ڕاپۆرته‌دا هاتووه‌: "چاوه‌ڕوان ده‌کرێت هێرشه‌کانی په‌که‌که‌ و داعش یه‌کده‌نگ بوونه‌وه‌ی گرووپه‌ جۆراوجۆره‌ مه‌ده‌نی و سیاسییه‌کان له‌ به‌ره‌نگاربوونه‌وه‌ی تیرۆری به‌دواوه‌ بێت به‌ڵام وێده‌چێت له‌بری یه‌کده‌نگ کردنی خه‌ڵک له‌لایه‌که‌وه‌ زیاتربوونه‌وه‌ی ناکۆکی ناوخۆیی نێوان سێکوولاره‌کان و توندڕه‌وه‌ ئایینییه‌کان و له‌لایه‌کی دیکه‌شه‌وه ناکۆکی نێوان‌ ئیتنیکی کوردی تورکیا و ناسیۆنالیسته‌ تورکه‌کانی به‌دواوه‌ بێت."
سه‌لیم سازک، توێژه‌ری ناوه‌ندی "قرن" به‌ گۆڤاری تایمزی ڕاگه‌یاندووه‌: ته‌شه‌نه‌سه‌ندنی هێرشه‌کانی په‌که‌که‌ و داعش له‌ تورکیا ئه‌و ڕێگه‌یه‌ بۆ تورکیا ده‌کاته‌وه‌ که‌ هه‌رچی زیاتر ڕه‌خنه‌گران سه‌رکوت بکات. له‌لایه‌کی دیکه‌وه‌ هه‌م په‌که‌که‌ و هه‌م لایه‌نگرانی داعش ده‌یانه‌وێت تورکیا په‌لکێشی ڕووخان بکه‌ن. ئه‌وان ده‌یانه‌وێت سیسته‌می ده‌سه‌ڵاتدارێتی ئێستا شکست بخوات.

کۆدی بابه‌ت: 67223  |  به‌روار: ۱۳۹۵/۱۰/۱۸  |  کاتژمێر: 13 : 27

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
ئیمکانات