خانمەکانی بۆکان کۆڕی ڕەخنەی "سووشون"یان بەڕێوەبرد
بەشی ئێران/ ئازەربایجانی ڕۆژئاوا- خانمەکانی بۆکان کۆڕبەندێکیان لەسەر لێکۆڵینەوە و ڕەخنەی ڕۆمانی "سووشون" لە نووسینی "سیمین دانیشوەر" بەڕێوەبرد.
بە پێی هەواڵی کوردپرێس ڕۆژی پێنجشەممە ٩ی بەفرانبار یەکەمین کۆڕی ڕەخنە و توێکاریی کتێب لەلایەن خانمەکانی بۆکان و بە هەوڵی ئیدارەی کتێبخانە گشتییەکانی بۆکان، کاتژمێر ٣ی پاشنیوەڕۆ لە کتێبخانەی ناوەندیی بۆکان بەڕێوەچوو.
کۆڕبەندەکە بە ئامادە بوونی کۆمەڵێکی زۆر لە خانمە کتێبخوێنەکانی بۆکان بەڕێوەچوو و ڕۆمانی "سووشون" بەرهەمی نووسەری بەناوبانگی ئێرانی خرایە بەر ڕەخنە و لێکۆڵینەوە.
ئەم ڕۆمانە لە بەرهەمە هەڵبژاردەکانی بواری ڕۆمانی فارسی هەژمار دەکرێت و یەکەم پەخشانی فارسییە کە لە ژانری ڕۆماندا لەلایەن ژنێکەوە نووسراوە و لە ساڵی ١٣٤٨ بڵاو کراوەتەوە.
سەرەتای بەرنامەکە خوێندنەوەیەک لە پەرتووکەکە لەلایەن خاتوو "فووزیە سوڵتان بەیگی" شاعیری بۆکانی ئاراستە کرا. پاشان خاتوو "لەیلا ساڵحی" نووسەر و شاعیر سەبارەت بە ڕەخنەی ناوەرۆکی ڕۆمانەکە و ناسینی کەسایەتییە ژنەکانی ناو کتێبەکە وتارێکی تێروتەسەلی ئاراستە کرد.
کۆڕبەندەکە پاش ٣ کاتژمێر توێکاری و لێکۆڵینەوەی توێژە جۆربەجۆرەکانی ئەو کتێبە کاتژمێر ٦ پاشنیوەڕۆ کۆتایی هات.
 

کۆدی بابه‌ت: 66900  |  به‌روار: ۱۳۹۵/۱۰/۱۱  |  کاتژمێر: 12 : 51

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
ئیمکانات