بێستون فایەق پەرلەمانتاری گۆڕان:
یەکێتی رێککەوتنی 17 مه‌یی جێبەجێ‌ نەکردووە و داوای یەکگرتن ‏دەکات
‎ به‌شی عێراق و هه‌رێمی کوردستان- ‎بێستوون فایەق، ئەندامی فراکسیۆنی گۆڕان لە پەرلەمانی کوردستان رایگەیاند، یەکێتی هۆکاری جێبەجێ‌ نەکردنی رێککەوتنی ‏‏17 مه‌یه‌ و ئێستا داوای یەکگرتن لە گۆڕان دەکەن‎.‎
به‌پێی هه‌واڵی کوردپرێس به‌گێڕانه‌وه‌ له‌ماڵپه‌ڕی خه‌ڵک، ئەو پەرلەمانتارەی گۆڕان لە‎ ‎وتارێکدا‎ ‎لە ژێر ناونیشانی"یەکگرتنی یەکێتی و گۆڕان"، نووسیویەتی" بەداخەوە یەکێتیی ‏نیشتیمانیی کوردستان هۆکاری سەرەکیی جێبەجێنەکردنی رێککەوتننامەی 17ی مه‌یی نێوان یەکێتی و گۆران بوو، ئەو ‏رێککەوتنەی ئەوکات ئومێدی زۆری بەخشی پێمان و دەلاقەیەکی باش و گونجاو بوو بۆ هاوسەنگ کردنەوەی ئەو ‏ناهاوسەنگیەی ئێستا لە کوردستان لەنێوان حزبەکاندا هەیە هەر بەراستیش ناوەرۆکەکەی خاڵی باش و دڵخۆش‌کەری تێدا بوو ‏، ئاسایی کردنەوەی دۆخی سیاسیی هەرێم و کاراکردنەوەی پارلەمان، باشکردنی دۆخی ئابووری و گوزەرانی خەڵک".‎
ناوبراو لە بەشێکی‌تری نووسینەکەیدا ئاماژەی بەوەکردووە، ئێستا هەندێ بەرپرسی یەکێتی باسی یەکگرتنەوەی گۆران و ‏یەکێتی دەکەن، بەڵام حزبەکەیان ئامادە نەبووە، پابەندبێت بەرێککەوتنەکەی لەگەڵ گۆڕاندا"بەرێزان ئێوە کە ئامادەی ‏جێبەجیکردنی یەک خاڵی رێکەوتنەکە نەبوون چۆن و بەچی دەست بۆ یەکگرتنەوە دەبەن؟".‎
رێککەوتنی یەکێتی و گۆڕان لە رۆژی 17 مه‌ی 2016 دا ئیمزاکرا و دواتر سەرکردایەتیی هاوبەشیان دروست کرد، بەڵام ‏بڕگەکانی جێبەجێ‌ نەکراون.
 
 
 
 

کۆدی بابه‌ت: 66896  |  به‌روار: ۱۳۹۵/۱۰/۱۱  |  کاتژمێر: 11 : 38

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
ئیمکانات