به‌رهه‌می عاشقانه‌- حیماسیی "خورشید و خرامان" له‌ شاعیری سه‌رده‌می ئه‌فشاریه‌ بڵاو کرایه‌وه‌
به‌شی ئێران/ کرماشان- کتێبی خورشید و خرامان (خۆر و خه‌رامان) به‌رهه‌می بمێنی میرزا ئه‌ڵماس خانی که‌نووله‌یی شاعیری گه‌وره‌ی سه‌رده‌می ئه‌فشاریه‌ و له‌ گه‌وره‌ترین شاعیرانی کورد به‌ پێداچوونه‌وه‌ی فه‌رهاد عیزه‌تی زاده‌ و مه‌سعوود قه‌نبه‌ری له‌لایه‌ن په‌خشانگای دیباچه‌ی کرماشانه‌وه‌ بڵاو کرایه‌وه‌.
به‌پێی هه‌واڵی کوردپرێس، (خورشید و خرامان) به‌رهه‌مێکی عاشقانه‌- حیماسییه‌ و چیرۆکێکی جوان و دڵڕفێنی هه‌یه‌ و له‌ ڕووی 8 به‌رگه‌ی کۆنی کۆکراوه‌ی ناوچه‌ جۆراوجۆره‌کانی کوردستان پێداچوونه‌وه‌ی به‌ سه‌ردا کراوه‌.
زمانی په‌رتووکه‌که‌ وه‌کوو دیکه‌ی مه‌نزوومه‌ کلاسیکه‌کانی کوردی، کوردی گۆرانییه‌ و له‌ ڕوانگه‌ی بایه‌خی ئه‌ده‌بی و هونه‌ری و زمانناسانه‌وه‌ به‌رهه‌مێکی پڕبایه‌خ و به‌شکۆیه‌.
هێمای خولیایی و خه‌یاڵی به‌هێزی به‌رهه‌مه‌که‌، شانۆ و کۆبوونه‌وه‌ی پڕ له‌ شکۆ و جوانی و پاڵه‌وانان و پیاوچاکانی جوانمێر و فیداکار، جۆربه‌جۆری و ژماره‌ی زۆری که‌سایه‌تییه‌کان، دێوه‌زمه‌ و ئه‌ژدیها و... و هه‌روه‌ها زمانێکی ساده‌ و ڕه‌وان و شیعره‌ دره‌وشاوه‌کانی میرزا ئه‌ڵماس خان به‌رهه‌مه‌که‌ی ته‌واو سه‌رنجڕاکێش کردووه‌.
کتێبه‌که‌ به‌ شێوه‌ی به‌یت به‌ به‌یت لاتین نووسی کراوه‌، وشه‌ و به‌یته‌ دژواره‌کان شرۆڤه‌ کراون و له‌ کۆتایی کتێبه‌که‌شدا هه‌ندێک وێنه‌ له‌ 8 به‌رگه‌ کۆنه‌ ده‌ستنووسه‌که‌ دانراون.
هه‌روه‌ها وشه‌دانێک له‌ کۆتایی کتێبه‌که‌دا هه‌یه‌ و تێکڕای وشه‌ دژواره‌کان مانایان لێدراوه‌ته‌وه‌.
ئه‌م کتێبه‌ پڕبایه‌خه‌ له‌لایه‌ن فه‌رهاد عیزه‌تی زاده‌ و مه‌سعوود قه‌نبه‌ری له‌ شاعیران و نووسه‌رانی تێکۆشه‌ری گۆڕه‌پانی فه‌رهه‌نگ و وێژه‌ی پارێزگای کرماشان (خه‌ڵکی ئیسلام ئاوای ڕۆژئاوا) لێکدانه‌وه‌ و پێداچوونه‌وه‌ی به‌ سه‌ردا کراوه‌ و ڕووبه‌رگه‌که‌ی له‌لایه‌ن له‌تیف شوکریه‌وه‌ ئاماده‌ کراوه‌. هه‌روه‌ها له‌ 1000 به‌رگ و 461 لاپه‌ڕه‌ له‌لایه‌ن بڵاڤگه‌ی دیباچه‌ی کرماشان له‌ به‌ڕێوه‌به‌رایه‌تی سه‌عید شه‌رافه‌تی زه‌نگه‌نه‌ بڵاو کراوه‌ته‌وه‌.

کۆدی بابه‌ت: 66073  |  به‌روار: ۱۳۹۵/۹/۲۱  |  کاتژمێر: 13 : 1

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
ئیمکانات