ڕێککه‌وتنی نێوان مالێکی و ده‌وڵه‌تی تورکیا سه‌باره‌ت به‌ ئاماده‌بوونی سه‌ربازانی ئه‌م وڵاته‌ له‌ خاکی عێراق ڕه‌تکرایه‌وه‌
به‌شی عێراق و هه‌رێمی کوردستان- یاسادانێکی عێراقی وتی: هیچ جۆره‌ ڕێککه‌وتنێک له‌ نێوان نووری مالێکی، سه‌رۆک وه‌زیرانی پێشووی عێراق و ده‌وڵه‌تی تورکیا سه‌باره‌ت به‌ ئاماده‌بوونی هێزه‌کانی تورکیا له‌ باکووری عێراق واژۆ نه‌کراوه‌.
به‌پێی هه‌واڵی کوردپرێس، تارق حرب له‌ گفتوگۆ له‌گه‌ڵ هه‌واڵده‌ریی "عین العراق نیوز" ئاماژه‌ی کرد به‌ واژۆی هه‌ر جۆره‌ ڕێککه‌وتننامه‌یه‌کی نێوان عێراق و دیکه‌ی وڵاته‌کان، چ وڵاتانی عه‌ره‌بی و چ ده‌ره‌کی ده‌بێ به‌پێی به‌ڵگه‌ی فه‌رمی و بڵاوکردنه‌وه‌ له‌ ڕۆژنامه‌ی فه‌رمی عێراق ئه‌نجام بگرێت.
ناوبراو زیادی کرد: هیچ جۆره‌ ڕێککه‌وتننامه‌یه‌ک له‌ نێوان نووری مالێکی، سه‌رۆک وه‌زیرانی پێشووی عێراق و ده‌وڵه‌تی تورکیا سه‌باره‌ت به‌ به‌شداریی سه‌ربازانی تورکیا له‌ باکووری عێراق واژۆ نه‌کراوه‌؛ چونکه‌ عێراق به‌پێی یاسای بنه‌ڕه‌تی ناتوانێت له‌گه‌ڵ دیکه‌ی وڵاته‌کان ڕێککه‌وتننامه‌ یان گرێبه‌ستی نهێنی واژۆ بکات.
تارق حرب جه‌ختیشی کرد که‌ ئه‌گه‌ر مالێکی له‌گه‌ڵ تورکیا سه‌باره‌ت به‌ به‌شداریی سه‌ربازی له‌ خاکی عێراق ڕێککه‌وتننامه‌یه‌کی واژۆ کردبێت، ئێستا تورکیا بۆ سه‌لماندنی ئه‌م بابه‌ته‌ ده‌قی ئه‌م ڕێککه‌وتننامه‌یه‌ی له‌ میدیاکان بڵاو ده‌کرده‌وه‌.

کۆدی بابه‌ت: 64001  |  به‌روار: ۱۳۹۵/۷/۲۲  |  کاتژمێر: 13 : 46

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات