جێگری ناوه‌ندی توێژینه‌وه‌ی نێونه‌ته‌وه‌یی و ستراتێژیکی دیمه‌شق:
جیهازاتی سه‌ربازی له‌ قه‌ته‌ر، عه‌ره‌بستانی سعوودی و ئیماراتی یه‌کگرتووی عه‌ره‌بی دێته‌ سووریا
به‌شی سووریا- ئه‌گه‌ر وڵاتانی ده‌ورووبه‌ری که‌نداوی فارس له‌ باری دارایی و جیهازاتی سه‌ربازی پشتیوانیی شۆڕشگێڕان نه‌که‌ن ته‌نیا له‌ ماوه‌ی چه‌ند ڕۆژدا شه‌ڕی سووریا کۆتایی پێدێت.
به‌پێی هه‌واڵی کوردپرێس به‌گێڕانه‌وه‌ له‌ سپۆتنیک، دوکتۆر تالب ئیبراهیم، جێگری ناوه‌ندی توێژینه‌وه‌ی نێونه‌ته‌وه‌یی و ستراتێژیکی دیمه‌شق، وتی: شۆڕشگێڕانی سووریا له‌ وڵاتانی ده‌ورووبه‌ری که‌نداوی فارس جیهازاتی سه‌ربازی وه‌رده‌گرن.
تالب ئیبراهیم وتیشی: "من گومان ده‌که‌م جیهازاتی سه‌ربازی له‌ قه‌ته‌ر، عه‌ره‌بستانی سعوودی و ئیماراتی یه‌کگرتووی عه‌ره‌بی دێته‌ سووریا."
ئه‌م شرۆڤه‌وانه‌ سوورییه‌ زیادیشی کرد: چه‌ک و جیهازاتی سه‌ربازی گه‌یشتووه‌ته‌ ده‌ستی شۆڕشگێڕان و لێره‌دا ته‌نیا کاتی که‌ڵک وه‌رگرتن له‌م جیهازاته له‌ ئارادایه‌ و نادیاره‌ که‌ وڵاتانی که‌نداوی فارس‌ چ کاتێک ئیزنی که‌ڵک وه‌رگرتن له‌و جیهازاتانه‌ ده‌ده‌ن.  
ناوبراو هه‌روه‌ها وتیشی: ویلایه‌ته‌یه‌کگرتووه‌کان به‌ ئاشکرا مووشه‌کی جۆری تاو BGM-71 و کامێراکانی چاودێریی شه‌وانه‌ ڕاده‌ستی‌ شۆڕشگێڕان کردووه‌ تاکوو یارمه‌تی بدات بۆ ڕووخانی حکوومه‌تی سووریا.
دوکتۆر تالب ئیبراهیم جه‌ختیشی کرد ویلایه‌ته‌یه‌کگرتووه‌کان ئه‌گه‌ر بیه‌وێت ده‌توانێت ئاشتی بگه‌ڕێنێته‌وه‌ بۆ سووریا.
ناوبراو ڕوونیشی کرده‌وه‌: "ئه‌گه‌ر ویلایه‌ته‌یه‌کگرتووه‌کان بیه‌وێت کۆتایی به‌ شه‌ڕ بێنێت و له‌گه‌ڵ تیرۆریزم شه‌ڕ بکات، واشنتۆن ده‌بێ به‌ بێ کێشه‌ له‌گه‌ڵ سه‌رۆک کۆماری تورکیا و پاشای عه‌ره‌بستان په‌یوه‌ندی بگرێت و داوا له‌وان بکات ده‌ستهه‌ڵبگرن له‌ پشتیوانیی دارایی و سه‌ربازیی شۆڕشگێڕان. له‌و ئه‌گه‌ره‌دا ته‌نیا له‌ ماوه‌ی چه‌ند ڕۆژدا له‌ناو ده‌چن."

کۆدی بابه‌ت: 63480  |  به‌روار: ۱۳۹۵/۷/۷  |  کاتژمێر: 14 : 53

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
هه‌واڵی پێوه ندیدار
دوایین هه‌واڵه‌کان
ئیمکانات