ڕه‌خنه‌ی توندی پارێزگاری که‌رکووک له‌ وه‌لاوه‌نانی هۆشیار زێباری
به‌شی جیهان- پارێزگاری که‌رکووک تۆمه‌تی گه‌نده‌ڵی دارایی له‌ دژی وه‌زیری دارایی عێراقی به‌ ساخته‌یی وه‌سف کرد و سه‌باره‌ت به پاشهاته‌کانی سه‌ندنه‌وه‌ی ده‌نگی متمانه‌ له‌و وه‌زیره‌ کورده‌ هۆشداریی دا.
به‌پێی هه‌واڵی کوردپرێس، ڕۆژی ڕابردوو ئه‌ندامانی ئه‌نجومه‌نی نوێنه‌رانی عێراق ده‌نگیان به‌ سه‌ندنه‌وه‌ی متمانه‌ له‌ هۆشیار زێباری وه‌زیری دارایی عێراق دا.
پێشتر ئه‌ندامانی ئه‌نجومه‌نی نوێنه‌رانی عێراق به‌ وه‌ڵامه‌کانی هۆشیار زێباری له‌باره‌ی ئه‌و تۆمه‌تانه‌وه‌ که‌ ‌ئاراسته‌ی ناوبراو کراوبوو، ڕازی نه‌بووبوون.
ناوبراو به‌ هه‌لقۆستنه‌وه‌ی دارایی و به‌ڕێوه‌بردنی نادروستی سه‌رچاوه‌ داراییه‌کانی عێراق تۆمه‌تبار کرابوو.
نه‌جمه‌ددین که‌ریم، پارێزگاری که‌رکووک و له‌ سه‌رکرده‌کانی یه‌کێتی نیشتمانیی کوردستان تۆمه‌ته‌ ئاراسته‌کراوه‌کان له‌ دژی هۆشیار زێباری به‌ ساخته‌یی وه‌سف کرد و سه‌باره‌ت به‌ پاشهاته‌کانی وه‌ها هه‌وڵێک له‌ عێراق هۆشداریی دا.
پارێزگاری که‌رکووک به‌ واڵستریت ژۆرناڵی وت: ئه‌م مانۆڕه‌ ناکۆکییه‌ ئیتنیکییه‌کان له‌ عێراق قووڵتر و ئه‌و گومانه‌ش به‌هێزتر ده‌کاته‌وه‌ که‌ ده‌وڵه‌تی شیعه‌میحوه‌ری به‌غدا هه‌وڵ بۆ گوشارخستنه‌ سه‌ر ئیتنیکه‌کان ده‌دات.
ناوبراو وتیشی: شیعه‌ (له‌ عێراق) فێر نه‌بووه‌ که‌ چلۆن له‌گه‌ڵ دیتران و هه‌روه‌ها چلۆن له‌گه‌ڵ عه‌ره‌به‌ سوننه‌کان و کورده‌کان مامه‌ڵه‌ و هاوکاری بکات.
واڵستریت ژۆرناڵ نووسی: ئه‌و کارانه‌ هه‌ندێ پاشهاته‌ و له‌وان ته‌شه‌نه‌سه‌ندنی ناکۆکی نێوان کورده‌کان و ده‌وڵه‌تی ناوه‌ندی عێراقی به‌دواوه‌ ده‌بێت.

کۆدی بابه‌ت: 63249  |  به‌روار: ۱۳۹۵/۷/۱  |  کاتژمێر: 12 : 38

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
ئیمکانات