سیاسه‌توانی کوردی تورکیا له‌ گفتوگۆ له‌گه‌ڵ کوردپرێس؛
به‌رده‌وامی ئاگادارنه‌بوون له‌ بارودۆخی ئۆجه‌لان له‌ لایه‌ن ده‌وڵه‌ت، نایاساییه‌/ شه‌وی کووده‌تا چه‌ندین ڕووداو له‌ ئیمرالی ڕووی داوه‌
به‌شی تورکیا- "حه‌سیپ کاپڵان" له‌ گفتوگۆ له‌گه‌ڵ کوردپرێس، وێڕای نایاسایی وه‌سف کردنی درێژه‌ی ئاگادارنه‌بوون له‌ بارودۆخی ئۆجه‌لان، ئاماژه‌ی کرد به‌ نه‌بوونی هیچ وره‌ییه‌ک له‌ ده‌وڵه‌ت بۆ ده‌ستپێکردنی دانوستانی ئاشتی و له‌م نێوانه‌دا جه‌ختی کرده‌سه‌ر ڕۆڵی په‌رله‌مان بۆ به‌شداریی کردنی ئه‌م بابه‌ته‌.
حه‌سیپ کاپڵان، سیاسه‌توانی ناوداری کورد و ئه‌ندامی پارتی دیموکراتیکی گه‌لان له‌ گفتوگۆ له‌گه‌ڵ کوردپرێس و له‌ وڵامدانه‌وه‌ به‌ پرسیارێک سه‌باره‌ت به‌ دوایین هه‌واڵه‌کان له‌ بارودۆخی عه‌بدوڵڵا ئۆجه‌لان، ڕێبه‌ری پارتی کرێکارانی کوردستان (PKK)  وتی: ئێمه‌ هیچ جۆره‌ ڕاپۆرتێک سه‌باره‌ت به‌ چۆنایه‌تی بارودۆخی جه‌سته‌یی جه‌نابی ئۆجه‌لانمان له‌ده‌ست نییه‌ و ئه‌مه‌ بووه‌ته‌هۆی شڵه‌ژاوی بوونی بارودۆخی لایه‌نگرانی.
ئه‌م سیاسه‌توانه‌ کورده‌ ڕوونیشی کرده‌وه‌: ئه‌مه‌ داواکارییه‌کی ئاساییه‌ که‌ بزانین بارودۆخی جه‌نابی ئۆجه‌لان به‌ چ شێوه‌یه‌که‌، به‌ڵام به‌داخه‌وه‌ ده‌وڵه‌ت نه‌ به‌ بنه‌ماڵه‌ی ئه‌و و نه‌یش به‌ پارێزه‌رانی ڕێگا نادات سه‌ردانی بکه‌ن و هه‌رچی ئێمه‌ له‌مباره‌وه‌ داواکارییمان ده‌بێت، هیچ وڵامێک له‌ ده‌وڵه‌ت نابیسین.
کاپڵان به‌ نایاسایی وه‌سف کردنی ئه‌م کرده‌وه‌ی ده‌وڵه‌ت جه‌ختی کرد: ئه‌م کرده‌وه‌ نایاساییه‌ و به‌پێچه‌وانه‌ی هه‌موو بنه‌ماکانی مافی مرۆڤه‌.
نوێنه‌ری پێشووی پارتی دیموکراتیکی گه‌لان (HDP) له‌ په‌رله‌مانی تورکیا به‌ ئاماژه‌ به‌ خه‌مساردی ڕێکخراوه‌ به‌رپرسه‌کان سه‌باره‌ت به‌ بارودۆخی جه‌نابی وتی: به‌پێی یاسا و سه‌ره‌ڕای هه‌مووی ئه‌و کۆنوانستۆنانه‌ که‌ ئه‌ورووپا له‌گه‌ڵ تورکیا سه‌باره‌ت به‌ بارودۆخی ئۆجه‌لان واژۆی کردووه‌، به‌ڵام ئێمه‌ ده‌بینین که‌ ده‌وڵه‌تی چه‌واشه‌کاری ده‌کات و ڕێگا نادات بنه‌ماڵه‌ و پارێزه‌رانی ئۆجه‌لان سه‌ردانی ئه‌و بکه‌ن.
ناوبراو درێژه‌ی نائاگاداری له‌ بارودۆخی ڕێبه‌ری په‌که‌که‌ی به‌ قازانجی ده‌وڵه‌ت نه‌زانی و ڕوونیشی کرده‌وه‌: درێژه‌ی ئاگادارنه‌بوونی خه‌ڵک له‌ بارودۆخی جه‌نابی ئۆجه‌لان ده‌بێته‌هۆی دروست بوونی ته‌نگژه‌ له‌ تورکیا. ده‌وڵه‌ت پێویسته‌ هه‌رچی خێراتر له‌مباره‌وه‌ هه‌نگاو هه‌ڵبگرێت و ئێمه‌ له‌ بارودۆخی ئه‌و ئاگادار بکاته‌وه‌.  
حه‌سیپ کاپڵان به‌ ئاماژه‌ به‌م بابه‌ته‌ که‌ پڕۆژه‌ی ئاشتی، بووه‌ته‌ قوربانی سیاسه‌ته‌کانی ده‌وڵه‌ت، وتی: درێژه‌ی ڕه‌وتی ئاشتی ده‌بێ له‌ لایه‌ن په‌رله‌مان پێوشوێنگری بکرێت و پارته‌کان له‌ په‌رله‌مان له‌مباره‌وه‌ چالاکی بکه‌ن.
ناوبراو ڕوونیشی کرده‌وه‌: له‌ ئێستادا هیچ وره‌یه‌ک بۆ ئه‌م بابه‌ته‌ له‌ تورکیا بوونی نییه‌ و ده‌وڵه‌ت به‌ سه‌رکوت کردن و ده‌ستگیرکردنی دژبه‌ران له‌ حاڵی دروست کردنی که‌شی ترس له‌ وڵاته‌.
ئه‌م ئه‌ندامه‌ی پارتی دیموکراتیکی گه‌لان له‌ وڵامدانه‌وه‌ به‌ پرسیاری کوردپرێس، سه‌باره‌ت به‌ ئامانجه‌کانی تورکیا له‌ چوون بۆ خاکی سووریا، ڕایگه‌یاند: ئه‌ردۆغان به‌ ئاشکرایی وتی که‌ ئامانجی به‌ره‌نگاربوونه‌وه‌ی کورده‌کانه‌. ئه‌و نزیک به‌ دوو ساڵه‌ ئاماده‌کارییه‌کانی ئه‌م له‌شکه‌رکشێییه‌ ئه‌نجام ده‌دات.
کاپڵان ڕاشیگه‌یاند: تورکیا پاش کووده‌تا و به‌دوای ئه‌وه‌ی که‌ له‌گه‌ڵ وڵاتانی ناوچه‌ پڕۆسه‌ی ئاشتی به‌ڕێوه‌برد، توانی مۆڵه‌تی چوون بۆ خاکی سووریا وه‌ربگرێت.
ناوبراو جه‌ختیشی کرد: ئه‌ردۆ‌غان له‌ داگیرکردنی خاکی باکووری سووریا ئامانجی گه‌وره‌ی به‌ره‌نگاربوونه‌وه‌ی کورده‌کان و ڕێگری له‌ پێکهێنانی هه‌ر جۆره‌ سیسته‌مێک له‌ لایه‌ن هیزه‌ کوردییه‌کانه‌. هه‌ر بۆیه‌ هه‌وڵ ده‌دات تاکوو ڕێگا نه‌دات کانتۆنه‌کانی کوردستانی سووریا پێکه‌وه‌ بلکێن و له‌م ڕێگایه‌وه‌ هه‌وڵه‌کانی چێ ده‌کاته‌وه‌.
 
دیمانه‌: ئه‌فشین غوڵامی
وه‌رگێڕان له‌ فارسییه‌وه‌: شیلان محه‌مه‌دی

کۆدی بابه‌ت: 62591  |  به‌روار: ۱۳۹۵/۶/۱۷  |  کاتژمێر: 12 : 8

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
ڕاگه‌یاندنی ئاماده‌یی کۆمپانیا نه‌وتییه‌کان بۆ به‌رده‌وامبوونی هاوکاری له‌گه‌ڵ هه‌رێمی کوردستان
زێباری هێرشی توند ده‌کاته‌ سه‌ر حزبی ده‌عوه‌ و به‌ تاڵانکردنی سامانی وڵات تۆمه‌تباری ده‌کات
پەیکەرتاشێکی کورد پەیکەری مامۆستا هەژاری له‌ به‌فر دروست کرد
وه‌زاره‌تی پێشمه‌رگه‌ ئاماده‌یه‌ به‌ هاوکاریی هێزه‌کانی عێراق حه‌ویجه‌ ئازاد بکات
شاره‌وانیی ورمێ فڕۆکه‌ ده‌کڕێت
داخوازی بۆ گواستنه‌وه‌ی عه‌ره‌به‌ خۆبه‌خشه‌کانی حه‌شدی شه‌عبی بۆ ده‌وروبه‌ری شار
نیگه‌رانی درێژکردنه‌وه‌ی ماوه‌ی پۆستی وه‌زاره‌تی دارایی عێراق به‌ شێوه‌ی سه‌رپه‌ره‌شتیین
به‌شداری کردنی 15 گرووپی به‌رهه‌ڵستکاری سووریا له‌ کۆبوونه‌وه‌ی ئه‌ستانه‌
تره‌مپ پشتیوانى کورده‌
کۆبوونه‌وه‌ی ئه‌ستانه‌ به‌ بۆنه‌ی بانگهێشت نه‌کردنی کورده‌کان شکست ده‌خوات
ئه‌نجامده‌ری هێرشی چه‌کدارانه‌ بۆ سه‌ر ناوه‌ندی پۆلیسی ئه‌سته‌نبۆڵ ده‌ستگیر کرا
هه‌رێمی کوردستان له‌ غازی هه‌نارده‌کراوی ئێران بۆ عێراق به‌شی نابێت
هەوڵ بۆ دامەزراندنی سوپای رۆژئاوای کوردستان دەدرێت
PYD به‌هێزترین پارتی کوردییه‌ له‌ سووریا
کۆبوونه‌وه‌ی ئه‌ستانه‌ ده‌ستیپێکرد
ئیمکانات