لێدوانی هونه‌رمه‌ندی سه‌قزی له‌ ڕێوڕەسمی بیرئانینی ئاگۆستۆبۆوال له‌ ئیتاڵیا
بەشی فەرهەنگ و هونەر- زانستگای پارما به‌ بۆنه‌ی ساڵوه‌گه‌ڕی کۆچی دوایی ئاگۆستۆبۆوال داهێنه‌ر و په‌ره‌پێده‌ری شانۆی هاوبه‌شی ئه‌نجومه‌نی له‌ جیهاندا، ڕێوڕەسمێکی بیرئانینی به‌ ئاماده‌بوونی چالاکانی شانۆی هاوبه‌شی ئه‌نجومه‌نی به‌ڕێوه‌ده‌بات.
به‌ پێی هه‌واڵی کوردپرێس، هونه‌رمه‌ندی سه‌قزی "ئاریان ڕەزایی" سه‌رپه‌رشتیاری گرووپی مۆنۆ/ ئه‌نجومه‌نی تاران له‌سه‌ر بانگهێشتی رۆبێرتۆ مازینی له‌م ڕێوڕەسمه‌دا سه‌باره‌ت به‌ بیر و هزرینی ڕەخنەگرانه‌ له‌ سیسته‌می شانۆگه‌ریی ئاگۆستۆبۆوال و ئه‌زموونه‌کانی شانۆی ئه‌نجومه‌نیی له‌ وڵاتی ئێران وتەدان پێشکەش دەکات.
ئه‌م ڕێوڕەسمه‌ له‌ رۆژی 2ی مه‌ی 2016 له‌ زانستگای پارما به‌ پێشکەشکاریی رۆبێرتۆ مازینی به‌ڕێوه‌ده‌چێت. رۆبێرتۆ مازینی یه‌کێکه‌ له‌ سیماکانی ئێستای شانۆی ئیتاڵیا و به‌ یه‌کێک له‌ چالاکانی دیاری شانۆگه‌ریی هاوبه‌شی ئه‌نجومه‌نیی له‌ جیهاندا ده‌ناسرێت که‌ به‌ پێی فێرکاری و ئامۆژگارییه رزگارکه‌ره‌کانی پائۆلۆ فریره و سیسته‌می شانۆگه‌ریی ‌‌ئاگۆستۆبۆوال چه‌ندین کار و چالاکییه‌کی به‌ربڵاو و کاریگه‌ریی دانه‌ری له‌ به‌ندیخانه‌کان، ناوه‌نده‌کانی ده‌روونناسی، قوتابخانه‌کان و زانستگاکان و هتد له‌ وڵاتی ئیتاڵیا هه‌بووه‌.
شایانی باسه‌ "جولیه‌ن بۆوال" منداڵی ئاگۆستۆبۆوال له‌ وڵاتی به‌ڕازیل، "یاڵمار خۆرخه‌" له‌ وڵاتی ئۆکراین، "ئاریان ڕەزایی" له‌ وڵاتی ئێران له‌ زومره‌ی ئه‌و که‌سانه‌ن که‌ له‌و ڕێوڕەسمه‌دا دێنه‌ ئاخاوتن.
"ئاگۆستۆبۆوال" ده‌رهێنه‌ری شانۆ و شانۆنامه‌نووسی به‌ڕازیلی له‌ ته‌مه‌نی 78 ساڵیدا دوای تێپه‌ڕ کردنی درێژخایه‌نی نه‌خۆشیی شێرپه‌نجه‌ کۆچی دوایی کرد.
ئه‌و که‌ له‌ ساڵی 1931 له‌ وڵاتی به‌ڕزایل له‌ دایک بوو، زیاتر له‌ نیو سه‌ده‌ له‌ ژیان و ته‌مه‌نی خۆی به‌ چالاکی کردن له‌ بواری شانۆ و شانۆنامه‌نووسی تێپه‌ڕاند.
ئه‌م نووسه‌ره‌ به‌شی شانۆی له‌ زانستگای کۆلۆمبیا ته‌واو کرد و به‌ به‌دیهێنانی ژانرێک به‌ ناوی شانۆی سته‌م لێکراوه‌کان له‌ به‌ڕزایل بووه‌ هۆی ئه‌وه‌ی که‌ به‌ چه‌شنێک په‌یوه‌ندیی له‌ نێوان بینه‌ر، شانۆنامه‌نووس و ئه‌کته‌ره‌کان دروست بکرێت.

کۆدی بابه‌ت: 55856  |  به‌روار: ۱۳۹۵/۲/۸  |  کاتژمێر: 14 : 10

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات