دەیان شوێنی شاری سنە بۆ بانگەشەی خولی دووهەمی هەڵبژاردنەکانی مەجلیس دیاری کرا/ نووسین و لکاندنی پۆستێر لەسەر دیواری بوارگەکان قەدەغەیە
بەشی هەڵبژاردن/ کوردستان- ٨٥ شوێنی شاری سنە بۆ بانگەشەی پاڵێوراوانی خولی دووهەمی هەڵبژاردنەکانی مەجلیسی شۆرای ئیسلامی لە شاری سنە دیاری کرا.
بە پێی هەواڵی کوردپرێس بەڕێوەبەری ڕێکخراوەی جوانکارییەکانی شارەداری سنە لە دیاری کردنی شوێنی جۆراوجۆر بۆ بانگەشەی پاڵێوراوانی خولی دووهەمی هەڵبژاردنەکان هەواڵی دا و وتی: شوێنە مۆڵەت دراوەکانی بانگەشەی پاڵێوراوان بۆ خولی دووهەمی هەڵبژاردن دیاری کران.
هەتاو فەرەیدوونی زیادی کرد: بە ئاوڕدانەوە لەوەی کە هەڵبژاردنەکانی دەیەمین خولی مەجلیسی شۆرای ئیسلامی لە بازگەی سنە، کامیاران و دیواندەرە کێشراوەتە خولی دووهەم، ئەم ڕێکخراوەیە بە پێی ئەرکی خۆی پێویستییەکانی بانگەشەی ئەم خولەی دابین کردووە.
فەرەیدوونی ڕایگەیاند: چەند ڕۆژی ڕابردوو چەندین کۆبوونەوەی جۆراوجۆر لەگەڵ نوێنەرانی هەردوو پاڵێوراو سەبارەت بە جۆری بانگەشە و دیاری کردنی شوێنی بانگەشە بەڕێوەچووە.
ناوبراو لە دیاری کردنی ٨٥ شوێنی ئاستی شاری سنە بۆ بانگەشەی پاڵێوراوان هەواڵی دا و وتی: پاڵێوراوان تەنیا مافی ئەوەیان هەیە لەو شوێنانە بەنێر بلکێنن.
وتیشی: ٢٠ شوێنی دیاری کراو لە ناوچە جوداکانی شار (نایسەر، نەنەلە و حەسەن ئاوا) و ٦٥ شوێنیش لە ئاستی شاردا بۆ بانگەشەی هەردوو پاڵێوراو لەبەرچاو گیراوە.
لە درێژەشدا وتی: هەندێک لە ستراکچێرە بانگەشەییەکانی ئەو ڕێکخراوەیە بۆ لکاندنی بەنێری پاڵێوراوان لەبەرچاو گیراوە و لەو شوێنانەشدا کە ستراکچێرمان نەبێت داربەست بەرپا دەکەین.
بەڕێوەبەری ڕێکخراوەی جوانکارییەکانی شارەداری جەختی کرد: نووسینی دروشم لەسەر دیوارەکان و لکاندنی پۆستێر لە بوارگە و شەقامەکانی ئاستی شار قەدەغەیە و فەرمانبەرانی ئەو ڕێکخراوەیە بانگەشە بێ‌مۆڵەتەکان کۆدەکەنەوە.
ناوبراو لە کۆتاییشدا وتی: بە ئامانجی پێشگری لە ئاڵۆزی بەرژەوەندی بوارگەکان هیوادارین لایەنگرانی هەردوو پاڵێوراو بە شێوەیەکی گونجاو لەگەڵ فەرمانبەرانی ئەم ڕێکخراوەیە هاوکاری بکەن.

کۆدی بابه‌ت: 55581  |  به‌روار: ۱۳۹۵/۲/۲  |  کاتژمێر: 9 : 16

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
دوایین هه‌واڵه‌کان
ئیمکانات