بریندارێکی چەکی کیمیایی له‌ هه‌ڵه‌بجه‌ گیانی لەدەستدا
ئەمڕۆ لە یادی 27 ساڵەی کارەساتی کیمیابارانکردنی شاری هەڵەبجەدا کاتژمێر 3ی سەرلەبەیانی یەکێک لە بریندارانی چەکی کیمیایی کە خاوەنی 20 شەهیدە، گیانی لەدەستدا.
بەپێی زانیارییەکانی کوردپرێس، کاتژمێر 3ی شەوی رابردوو ئامینە ئەمین، تەمەن 78 ساڵ بریندار بە چەکی کیمیایی کە خاوەنی 20 شەهیدی ئەو کارەساتەیە گیانی لەدەستدا، ئەمڕۆ لە رێورەسمێکی تایبەتدا بەخاکدەسپێردرێت.
تا ئێستا ژمارەیەکی زۆر لە بەرکەوتووانی چەکی کیمیایی لە هەرێمی کوردستان دوای 27 وەک پێویست چارەسەریان بۆ نەکراوە‌ و بەشێکی زۆریان بەو هۆیەوە گیان لەدەستدەدەن.
لەلایەکی دیکەیشەوە لە ناوسەنتەری شاری هەڵەبجەدا چەندین بۆمبی مەترسیدار لەژێر زەویدا ماون‌ و نەدۆزراونەتەوە، مەترسی پیس بوونی زیاتری ئەو پارێزگایەی لێدەکرێت، لە ماوەی ڕابردوویشدا دوان لەو بۆمبانە دۆزرانەوە ‌و لەلایەن تیمێکی تایبەتەوە لەناو بران".
ڕۆژی 16ی مارچی 1988 هەڵەبجە لەلایەن حزبی بەعسی ڕووخاوە و بە فڕۆکەی جەنگی سوپا‌ و بە بۆمبی کیمیایی بۆردومان کرا، بەو هۆیەوە زیاتر لە 5 هەزار کەس گیانیان لەدەستدا و زیاتر لە 10هەزار کەسی تریش برینداربوون، جگە لە وێران بوونی شارەکە.
چەکی کیمیایی جیاوازی لەگەڵ چەکەکانی دیکەدا ئەوەیە، کە زۆربەی کاتەکان کاریگەریی لەسەر بوونەوەرە زیندووەکان هەیە، جگە لە چەکی ئەتۆمی، کە بە چەکی کۆمەڵکوژ ناسراوە.

کۆدی بابه‌ت: 40865  |  به‌روار: ۱۳۹۳/۱۲/۲۵  |  کاتژمێر: 11 : 14

FaceBook   Twitter   Delicious   Digg   Buzz   Google Bookmarks   ˜áæÈ  
ناردنی بۆچوون
ناو و شۆره‌ت:
ئیمه‌یل:
بۆچوون:
بۆچوونی نێردراو‬
ئیمکانات