به‌پێی هه‌واڵی کوردپرێس، ئه‌م شاعێره‌ ئایینیه‌ له‌ دیمانه‌ له‌ گه‌ڵ ڕووداو وێرای ئاماژه‌دان به‌ په‌یوه‌ندی نێوان شێعری کلاسیک و ڕاهێنانی ئایینی له‌ کوردستان، ڕایگه‌یاند: که‌س هێنده‌ی مامۆستایانی ئایینی ناتوانن له‌ شێعره‌ کلاسیکه‌کانی کورد تێبگات و ڕاڤه‌ و شیکردنه‌وه‌ی جیاجیای بۆ بکات، چونکا بناغه‌ی شێعری کوردی له‌ لایه‌ن زانایانی ئایینی داڕشتراوه‌.

ئێواره‌ی کۆڕی "لایه‌ک له‌ بوێری و ڕچه‌شکێنی له‌ شێعره‌کانی نالی" دا، له‌ کاتژمێر 17 و 30 خوله‌ک له‌ هۆڵی شه‌هید مه‌هدی خۆشناو له‌ باره‌گای نووسه‌ران له‌ هه‌ولێر پێشوازی له‌ هۆگرانی شێعری کلاسیک و ئایینی ده‌کات.

ئه‌م کۆڕه‌ یه‌کێکه‌ له‌ چالاکییه‌کانی وه‌رزی هاوینی لقی هه‌ولێری یه‌کێتی نووسه‌رانی کورد که‌ هه‌موو ڕۆژانی پێنج شه‌ممه‌ به‌ڕێوه‌ ده‌چێت.