به‌پێی هه‌واڵی کوردستان له‌ گۆڤاری زانستی "Biological Reviews"ه‌وه‌؛ دوای پێداچوونه‌وه‌ی بیرمه‌ندانی گیانله‌به‌رناس به‌ بنه‌ماڵه‌ی ته‌نافداره‌کان دا، گه‌یشتنه‌سه‌ر ئه‌و ڕایه‌ی که‌ موغه‌ره‌ی ئه‌مرۆینه‌ی گیانله‌به‌ران له‌ درێژه‌ی هه‌مان ته‌ناڤی پشتی ئه‌م بنه‌ماڵه‌یه‌ که‌ وه‌ک شه‌ریتێکی شلک پاسه‌وانی ده‌ماری پشت ده‌کات.

له‌ لایه‌کی دیکه‌وه‌؛ له‌گه‌ڵ دۆزرانه‌وه‌ی "Pikaia gracilens" که‌ ته‌مه‌نی ئاڵوگۆربوونه‌که‌ی ده‌گاته‌ 500 میلیۆن ساڵ، توێژه‌ران دڵنیا بوون بتوانن له‌ ڕێگای ئه‌م ده‌سکه‌وته‌ بنچینه‌ی بیولۆژیکی مرۆڤ ده‌ستنیشان بکه‌ن.

ئه‌مه‌ له‌ کاتێکدایه‌ که‌ له‌مبه‌ر و ئه‌وبه‌ری ته‌نافی سه‌رپشتی ئه‌م کرمه‌ ده‌ریاییه‌ زیاتر له‌ 100ورده‌ ئه‌ندام ده‌بیندرێت که‌ وه‌ک یه‌که‌م بیچم گرتنی موغه‌ره‌ ویناکراوه‌.

به‌گوێره‌ی ئه‌م هه‌واڵه‌، توێژه‌ران هێشتا هۆی ئاڵوگۆربوونی شریتی سه‌رپشتی ئه‌م گیانله‌به‌ره‌ بۆ سه‌ره‌تایه‌کانی موغره‌یان بۆ ده‌رنه‌که‌وتووه‌ ، به‌ڵکوو گریمانه‌کان له‌سه‌ر زۆربوونی مه‌ترسی ڕاوکه‌رانی ناوده‌ریا کۆبوونه‌ته‌وه‌.

ئه‌م گیانله‌به‌ره‌ به‌بێ چاو و ددان له‌ ڕێگه‌ی سیه‌ی ئاوییه‌وه‌ ئۆکسیژێن هه‌ڵده‌کێشێت و مادده‌ شیمیاییه‌ خوارده‌مه‌نیه‌کانی ناو ده‌ریاش به‌توانای دوو شاخه‌کی بان سه‌ری ده‌دۆزێته‌وه‌.