کد خبر :70660
پێویستە گشتپرسی لکاندنی کەرکووک بە هەڕێمی کوردستان زووتر بەڕێوەبچێت
بەشی عێراق و هەرێمی کوردستان- سەرۆی ڕێکخراوی ناوچە کوردنشینەکانی دەرەوەی حکوومەتی هەرێمی کوردستان وێرای جەخت کردنەوە لەوەی کە کەرکووک پارێزگایێکی کوردستانییە، وتی: هەڵکردنی ئاڵای کوردستان لەسەر بنکە و باڵاخانە دەوڵەتییەکان لە کەرکووک هەنگاوێکی گرینگە.
بەپێی هەواڵی کوردپرێس، نەسرەدین سەندی لە لێدوانێکدا لەگەڵ هەواڵدەریی "السومریە نیوز" وتی: هەڵکردنی ئاڵای کوردستان لە سەر بنکە و باڵاخانە دەوڵەتییەکان لە پارێزگای کەرکووک وێڕای دێر ئەنجام بووە، هەنگاوێکی گرینگ دێتە ئەژمار، چونکە ئەم پارێزگایە کوردستانییە و ئەبێ بلکێندرێت بە هەرێمی کوردستانەوە.
سەندی بە هێنانە گۆڕی ئەو پرسیارە کە ئێمە تا کەی ئەبێ چاوەڕێ چارەسەری پرسی ناوچە کوردنشینەکانی دەرەوەی ئیدارەی هەرێمی کوردستان بین؟ سەبارەت بە بێ چارەسەر هێشتنەوەی پرسی ناوچە کێشە لەسەرەکان هۆشداری دا و وتی: بێ چارەسەر مانەوەی ئەم پرسە مەترسیێک بۆ کوردەکانی کەرکووک دەبێت.
ناوبراو جەختی کردە سەر خێراتر بەڕیوە چوونی گشتپرسی لکاندنی کەرکووک بە هەرێمی کوردستانەوە لە چوار چێوە و ڕەیڕەویی یاسادا.