کد خبر :67409
یادی ئه‌یه‌توڵڵا هاشمی له‌ هه‌ولێر به‌رز راگیرا
بەشی عێراق و هەرێمی کوردستان- به‌به‌شداریی کۆمەڵێک کەسایەتیی به‌رجه‌سته‌ی حکوومی، حیزبی و ئایینیی هەرێمی ‏کوردستان ‏یادی ئه‌یه‌توڵڵا هاشمی له‌ هه‌ولێر به‌رز راگیرا.
به‌پێی هه‌واڵی کوردپرێس کۆمەڵێک کەسایەتیی به‌رجه‌سته‌ی حکوومی، حیزبی و ئایینیی هەرێمی کوردستان لە کۆڕبەندی یادی ئایەتوڵڵا هاشمی لە هەولێردا بەشدارییان کرد و وێڕای ئاراسته‌کردنی پرسه‌ و سه‌ره‌خۆشیی خۆیان یادی ئه‌و که‌سایه‌تییه‌ پایه‌به‌رزه‌ی ئێرانیان به‌رز ڕ‌اگرت.
هه‌ندێک له‌و که‌سایه‌تییانه‌ بریتی بوون له‌:
فازڵ میرانی سکرتێری مەکتەبی سیاسی پارتی دیموکراتی کوردستان، سه‌عدی ئه‌حمه‌د پیره‌ ئه‌ندامی مه‌کته‌بی سیاسیی یه‌کێتی نیشتمانی کوردستان، د. یوسف گۆران وه‌زیری خوێندنی باڵا و توێژینه‌وه‌، فه‌ریق جه‌بار یاوه‌ر ئه‌مینداری گشتیی وه‌زاره‌تی پێشمه‌رگه‌، محه‌مه‌د هاودیانی وه‌زیری کار و باری کۆمه‌ڵایه‌تیی هه‌رێم، د.عه‌بدوڵا ‏سه‌عید وه‌یسی سه‌رۆکی یه‌کێتیی زانایانی ئایینیی ئیسلامیی کوردستان، نه‌وزاد هادی پارێزگاری هه‌ولێر و چه‌ندین که‌سایه‌تیی به‌رجه‌سته‌ی دیکه‌ی هه‌رێمی کوردستان.
له‌کۆتایی کۆڕبه‌نده‌که‌دا که‌سایه‌تییه‌کانی هه‌رێمی کوردستان له‌ده‌فته‌ری یادی ئایه‌توڵا هه‌شمیدا په‌یامی خۆیان ئاراسته‌ کرد.
ئه‌وه‌ش له‌کاتێکدایه‌ که‌ مه‌سعوود بارزانی سەرۆکی هەرێمی کوردستان لە پەیامێکدا بە بۆنەی کۆچی دوایی ئایەتوڵڵا هاشمی رەفسەنجانی سەرەخۆشیی لە سەرۆک کۆماری ئێران کردووه‌.