وتەبێژی هاوپەیمانی دژە داعش:
هاوپەیمانی نێودەوڵەتی دژەداعش پلانێکی بۆ هاوکاریی پێشمەرگەکانی رۆژئاوا نییە

بەشی سووریا- جان دووریان ڕایگەیاند: هاوپەیمانی نێودەوڵەتی دژەداعش پلانێکی بۆ بەشدارکردنی پێشمەرگەکانی رۆژئاوا لە ئۆپەراسیۆنەکانی باکووری سووریادا بە تایبەت لە ئۆپەراسیۆنی ڕەقەدا نییە.

بە پێێ هەواڵی کوردپرێس بە گێڕانەوە لە زەڕنیووز، ژینڕاڵ جان دووریان وتەبێژی هێزەکانی هاوپەیمانی دژە داعش ڕایگەیاند کە لە ئۆپەراسیۆنەکانی ناو خاکی سووریا هاوکاریی هێزەکانی سوپای دیموکراتیکی سووریا و هاوپەیمانی عەرەبیی سووریا دەکەین.
ناوبراو سەبارەت بە هاوکاریی هاوپەیمانی نێودەوڵەتیی دژە داعش لە گەڵ پێشمەرگەکانی رۆژئاوا و بەشدارکردنیان لە ئۆپەراسیۆنەکانی باکووری سووریادا بە تایبەت لە ئۆپەراسیۆنی ڕەقەدا وتی: لە ئێستادا پلانێکمان بۆ بەشدارکردنی پێشمەرگەکانی رۆژئاوا لە ڕەقە و شوێنەکانی دیکەی سووریادا نییە.
 

کۆدی هه‌واڵنێر: 60106